ភ្នំពេញ៖ នាយករដ្ឋមន្ត្រីកម្ពុជាសម្ដេចតេជោ ហ៊ុន សែន បានជំរុញទៅដល់ក្រសួងកសិកម្មឲ្យធ្វើការសិក្សាជំរុញបច្ចេកទេសកសិកម្មបន្ថែម និងបញ្ជ្រាបបច្ចេកទេសកសិកម្មនេះទៅជាមួយនឹងប្រជាពលរដ្ឋ។
សម្ដេចបានណែនាំឲ្យក្រសួងកសិកម្មបង្កើតនូវវិធានការថ្មីដើម្បីបញ្ជូនអ្នកបច្ចេកទេសកសិកម្មទៅដល់មូលដ្ឋានផ្ទាល់ដើម្បីបណ្ដុះបណ្ដាលប្រជាកសិករ។
សម្ដេចថ្លែងបែបនេះនៅក្នុងពិធីប្រគល់សញ្ញាបត្រជូននិស្សិតសកលវិទ្យាល័យកសិកម្មចំនួន៣ នៅព្រឹកថ្ងៃទី១៥ ខែឧសភា ឆ្នាំ២០២៣ នេះនៅមជ្ឈមណ្ឌលកោះពេជ្រ៕